Ua kilia nei le auala ma ua toe faaaogā mo femalagaa’iga ae na faatuai ai faigamalaga i le vaveao analeila ina ua lavevea ai ni taavale.
O Great South Rd i Penrose o loo faatatau iai le faamatalaga, e lata i le fetaula’iga ala i Sylvia Park Rd na lavevea ai se loli ma se isi taavale ma e to’atasi le tagata na ave ai i le falema’i, ma ua lipotia mai e tugā manu’aga.
O loo iai pea le ausu’esu’e i le nofoaga lea mo a latou su’esu’ega ma e lei faamautuina mai le mafuaaga o le faalavelave.
Ua faamaonia mai e le Auckland Transport ua toe tatala le auala ma ua amata ona toe sologa mālie feoa’iga i lea faaitu o Aukilani.
O le faalavelave na tulai mai i le te’a laitiiti o le 2 i le vaveao analeila.
Puna o Faamatalaga: https://www.1news.co.nz/2024/08/13/auckland-traffic-disruptions-after-truck-and-car-crash-one-critical/
