Ua toe oo atu foi i le silia ma le 8 afe tagata ua aafia i le koviti i totonu o le 24 itula talu ai i Niu Sa Uelese ma le to’a 43 ua maliliu.
Ua faamaonia mai foi e 8,149 i latou ua faamaonia le aafia ma le 2,046 o gasegase koviti i falema’i. Ua faamaonia ai foi e foliga ua toe siisii a’e foi le to’atele o tagata ua aafia.
I totonu lava ia o le setete e foliga ua toe oo lava feoa’iga ma le vaaiga masani i aso ta’itasi a o le’i oo mai le faama’i ona o le tumutumu o nofoaga faatau, tau lē toe vaaia ni talifofoga ma faatasiga ua pei lava ua lē o toe iai le faama’i.
Fai mai finagalo faaalia o nisi o i latou i talafou ua iloa tulaga tau le puipuiga mo le koviti, ua mae’a faia foi tuipuipui uma e tatau ona fai, pau le tulaga o le puipui lava e le tagata ia o lona soifua mālōlōina.
