Ua toe saini le tamaitai taalo o Ruby Tui i le Black Ferns mo le isi lua tausaga.
Ua lipotia i le televise tasi, o le tamaitai o Ruby e 31 tausaga le matua, na laa ese ma le taaloga ina ua mae’a le Ipu o le lalolagi talu ai ma e lei auai foi i le Super Rugby Aupiki ae o loo ua faaopoopo atu i le lisi o teine taaalo o le Black Ferns o iai konekarate mo le 2023 peitai na te ono misia le taaloga o le a sosoo ai ma Ausetalia i le aso 29 o Iuni ona o lana sabbatical lea o le a agai iai.
E toalua isi tamaitai fou o le ‘au ua maua foi konekarate o le ‘afa a le Hurricanes o Iritana Hohaia ma le prop a le Chiefs o Kate Henwood.
Ua faailoa foi o le prop a le Blues o Chryss Viliko o le a auai ane foi i le ‘au mo le isi fā masina e suitulaga ia Awhina Wainohu o loo manu’a.
O le ogatotonu o le masina lenei e tuufaatasi ai le ‘au mo sa latou tolauapiga i Ueligitone a o faaauau ai a latou tapenaga mo le fetauiga lea ma Ausetalia i Brisbane i le aso 29 o Iuni.
