Ua toe sainia nei se isi maliega fou a le alii taalo o Jordie Barrett ma le kalapu a le Hurricanes ma le New Zaland Rugby Union seia oo i le faaiuga o le 2025.
Fai mai Barrett o se faaaloalo maualuga mo ia le nofo ai ma taalo i Niu Sila auā o lana miti lea sa iai a o laititi.
Faaalia uma le agaga fiafia o le faiaoga o le All Blacks, Ian Foster ma le faiaoga ulu o le Hurricanes, Jason Holland i le faaiuga ua faia e Barrett ma ta’ua foi o Barrett le isi taitai autu o le latou kulupu.
O Barrett ua 25 tausaga ma na muai taalo i le All Blacks i le 2017.
