Ua toe sainia se konekarate mo le lua tausaga a le alii taalo o Chanel Harris Tavita i le Warriors lea o le a toe foi mai iai mo le isi taamilosaga e sosoo mai.

E 24 tausaga o le alii o Chanel ma o lana taaloga mulimuli sa taalo ai mo Samoa i le Ipu o le lalolagi i le lakapi liki i le tausaga talu ai a o lei faia lana malologa mai le NRL.

O lona toe foi ane la i le Warriors o le a faaaogā lelei foi e le faiaoga o Andrew Webster lea foi o loo silasila i isi alii taaalo o Luke Metcalf ma Te Maire Martin lea foi o loo ta’ua i le lipoti a le One News.

O loo faatalia pea se faamaoniga mai ia Shaun Johnson pe o le a tumau pea i le ‘au mo le 2024.

Fai mai le pule o le vaega o le recruitment a le Warriors, Andrew McFadden, o Chanel o se tama taalo lelei ma o loo talavou ma tele le agavaa o iai i le taaloga.

Ua faafouina lona malosi ma e fiafia i le Warriors ma fia fai sona foi sona sao i lana kalapu.