O le a toe oosi ese le suiga faaopoopo o le pili e faatulafono ai le Three Waters lea ua tautino le malo na sese ona ioeina.
Mai le taitai o le maota Chris Hipkins ananafi i le taeao ua tautino ai ua agai le malo e faasa’o pe a toe potopoto le maota a taeao ma o se faaopoopoga na sese ona tuu iai i le pili.
O le suiga faaopoopo lenei e faafaigata e itu tetee e le manao e faatutoatasi aseta e fesootai ma le vai taumafa ona faia nisi suiga i le lumanai lea e moomia ai le lagolago a le 60% o le maota fono na i lo le toatele e mafuli e lagolago.
O se suiga foi ua sau ai nei fesili pe na faafefea ona misi i le silasila a le malo, le loia sili faapea i latou uma na iai i le vaiaso talu ai le faaopoopoga na aumai i totonu e le Greens.
O le pili ua talanoaina o lea faatoa uma galuega faaiu a le komiti ma o lea o le a toe faafoi iai aua le toe oosi ese o le puipui lea e lei tele ni aso talu ona tuu iai.
