Ua lipotia le toe aveese o le ofo a le Roosters sa tuuina atu i le alii taalo o David Fifita.
Sa lipotia i le vaiaso talu ai e le Origin Star, ua saini Fifita i le kalapu lea mo le fā tausaga amata i le tausaga fou 2025 peitai i le taeao analeila ua tuuina mai ai se faamatalaga mai le Roosters e lē o toe avanoa lea ofo na tuuina atu i le alii taalo.
Ua faamaonia foi e le Titans o le a tumau pea Fifita i le latou kalapu seia aulia le faai’uga o le 2026.
Ua lipotia mai ai ma le faamatalaga a Fifita i le 9News, o ia na faia lana faai’uga e toe nofo i lana ‘au o le Titans.
Ua ta’ua i le lipoti sa feagai le alii taalo ma ofo mai kalapu e pei o Penrith ae o loo iai foi le isi avanoa i le Gold Coast i le 2025 ma o loo ta’ua e 1 le miliona lea ofo.
Puna o Faamatalaga: https://wwos.nine.com.au/nrl/news-2024-david-fifita-roosters-contract-withdrawn-titans-panthers/771349d1-5f32-4125-9e57-e8ba4896a011
