O se tala fiafia mo le aiga o si tamā 78 tausaga lea na sailia mo le tolu aso talu ai, ae o lea ua maua mai le tala, ua toe maua nei le tamā. O le Aso Gafua na tuua ai e Kalisa lona aiga i Sunnyvale mo sana savalivaliga, ma e lei toe foi ane ai lava, ma amata ai loa ona sailia.
O Kalisa Akiono o se tamā Samoa, ma i le lipoti a le Herald i lenei aoauli o loo ta’ua ai,. na maua e leoleo lenei tamā o loo taatia lona tino (tulou) i lalo i se vaega maulalō i le Henderson Valley i Aukilani, o le nofoaga lava lea na māua i lipoti sa vaaia ai lenei tamā e nisi i le afiafi o le Aso Gafua.
O le itu tāua ua toe maua si nei tamā ma le saogalemu; o loo momoli ai le faafetai tele a si ona alo, granddaughter, o Keri Akiono i luga o le social media, i le mamalu o le atunuu aemaise foi auaunaga a leoleo ma le vaega o faalavelave faafuase’i na taulamua i le sailia o si ona tamā.
