Ua toe maua nai tamā matutua e toalua lea sa savalia se togavao i le Blue Mountains ma tau sailia ai e leoleo.
O se tala fiafia lenei mo o la aiga aemaise foi leoleo ma tagata uma na aofia ai i le sailiga o i laua ia ma sa maua atu i se nofoaga e lata i le Mobbs Swamp.
Fai mai leoleo e maua atu o loo malolosi uma ma aveina ese mai loa e le au saili mai le togavao.
E leai ni manuaga o nai tamā matutua ma na faia foi siaki e paramedics.
O le isi e 69 tausaga ma le isi e 81 tausaga le matutua, na agai i le togavao i le Aso Lulu o le vaiaso talu ai a o lea faatoa maua ua toeititi atoa le vaiaso.
O le itu e faafetai ai ona o loo manuia uma i laua.
