E 2 masina le matua o le pepe sa i totonu o le taavale na gaoia mai i Sisifo o Aukilani ananafi.
A o tu ai le van paepae i fafo o le fale ta lavalava i Roberts Road i Te Atatu South ananafi i le aoauli, na faate’ia ai le tina i le sau i fafo ua gaoia le taavale ae o loo iai i totonu le pepe.
I le fesoasoani a le helikopa a leoleo na toe maua ai i Meadow Cres, e tusa lea ma le 1.3 kilomita le mamao.
E faafetaia ona na vave iai leoleo ma toe maua ai le pepe i totonu o le taavale.
Na auina atu ai loa i le falemai mo siaki, ma e tuufaatasia tala fou e lei maua lē na sola ma le taavale.
