O le tina lea ua molia i le solia o se poloaiga tau matua, parenting order e ala i le sosola ma lana fanau teine e toalua, o le a taofia i le vaaiga a leoleo mo le isi lua vaiaso.
Ua lipotia i le stuff.co.nz i le asō o lea tina o loo tuuaia i lona aveina o lana fanau teine e toalua e 10 ma le 8 tausaga le matutua ma agai ese e le iloa e nisi i le aso 24 o Tesema, masina talu ai.
Sa tau sailia e leoleo ni faamatalaga i le mataupu lea aemaise le popolegai le saogalemu peitai ua toe maua i le taeao nei i Aukilani ma o loo manuia.
O le tina sa tulai foi i le faamasinoga faaitumalo i Ueligitone i le asō ina ua mae’a ona pue e leoleo i le aso ananafi mai le city.
O le faasalaga masani i mataupu faapea pe a faamaonia e mafai ona falepuipui ai mo le isi 3 masina pe faasala tupe e $2,500.
O loo taofia le faailoaina o le suafa ma e faatoa toe tulai i le faamasinoga i le aso 19 o Ianuari.
