Ua toe laga foi le igoa o le iunivesite o le Pasefika i Saute poo le USP i tuuaiga ua faia faasaga i le Pule Sili.
I lipoti a le leitio a Niu Sila o loo toe faasalalau ai le lipoti ua toe liki i tua ma o lea na tusia e le sui pule sili o ia foi o le sui peresetene, Dr Janusz Jankowski.
O se lipoti o loo toe tuuaia ai le Pule Sili ia Pal Ahluwalia i le aumai o tagata o lona aiga e faafaigaluega, fesiligia le amiotonu o ana faaiuga toe e le o se tagata e faamoemoeina.
Ua faatalosaga ai e le sui peresetene le tatau ona faia o se suesuega faapitoa i le Pule Sili.
O le uma ai ona tuuina atu o le lipoti a le sui peresetene i le Council, ua maua e tala fou o lea ua faamalolo mai lona tofiga ma i lipoti e le o fiafia le iuni faapea le aufaigaluega i le lipoti faapea le faamalolo o le sui peresetene.
E tuufaatasia tala fou e leai se tala manino mai le Iunivesite o le Pasefika i Saute e tusa ma lenei mataupu pau o lea o loo faasolo suesuega ma ona o le matuia o tuuaiga ua faatalosaga mai ai mo se taimi se’i talanoa muamua ai.
