O se faigamalaga a le Qantas mai Sini i Fiti ua lipotia le toe liliu mai ona o loo feta’ua’ina se faaletonu e talitonuina o loo aafia ai, potential mechanical issue.
O le vaalele o le Boeing 737 na malaga atu mai Sini mo Nadi i le lata i le 9 i le ea ae toe faafoi mai ma toe tulaueleele a o lei taina le 11 i le taeao.
Fai mai se sooupu a le Qantas i le 9News o le faigamalaga na toe liliu mai ina ua maua e pailate le faailo o se tulaga faaletonu o loo ono aafia ai le vaalele ma sa mulimulitai le pailate i faiga faavae o tulaga faapea ma ua toe tuvae saogalemu foi le vaalele.
O le a suesueina le vaa e inisinia ma ua ave foi le faafetai a le kamupani vaalele i le pasese i le lava papale ma o loo galulue nei i le toe faatulagaina o isi malaga mo le aveina atu o le pasese i Fiti.
Ua tulai mai lenei foi mataupu i ni nai itula talu ona faailoa le isi foi malaga a le Qantas mai Aukilani i Sini i le aso ananafi lea na semanu foi e tulai mai ai se faaletonu ona sa masalomia se faaletonu i se tasi o afi o le vaalele.
