O le faigamalaga NZ289 a le Ea Niu Sila sa agai atu mo Shanghai i le taeao analeila, na toe faafoi mai i fanua ae ua 4 ma le ‘afa itula talu ona alu le faigamalaga.
I se pepa o faamatalaga mai le kamupani vaalele na faamatuu ane i le One News ua faailoa ai o le faai’uga na faia e toe foi mai le faigamalaga ona ua tele le suauu ua maitauina le alu i le malaga lea e ese mai le tulaga masani.
Na faia loa ma le faai’uga e toe liliu mai le vaa e siaki e inisinia ma na toe tulaueleele mai i Aukilani i le 8.36 i le taeao analeila.
Sa faailoa e le Flightradar o luga tonu o le Atu Solomona na toe liliu mai ai le vaa ma ua faaleo le faafetai a le Pulega o le vaalele i le pasese ona o lo latou onosai ma tulaga malamalama a o galulue le aufaigaluega mo le toe faatulagaina o bookings mo le faigamalaga.
Puna o Faamatalaga: https://www.1news.co.nz/2024/07/02/air-nz-flight-to-shanghai-lands-back-in-auckland-after-nine-hours
