Ua toe tu le vaa fealua’i i le sami a le Aratere lea foi e lei mamao atu talu ona pa’ulia i Picton.
O le toe faaletonu ai ananafi e faapea e tupu o loo iai le 106 tagata o le pasese ma le 40 tagata faigaluega i luga o le vaa, ma o le taimi na taumafai ai e taula i Ueligitone lea na faaletonu ai.
O se tala mai le sooupu a le KiwiRail, o le taimi tonu o le malolosi o savili i Ueligitone lea na mafua ai ona lē alu sa’o ma mā’omo ai se vaega itiiti o le tino o le vaa ma e faafetaia e leai se isi o le pasese na afaina ai e ui o lea na faatuai ona omai i fafo.
E tusa o le ‘afa o le tolu i le afiafi lea na tupu ai ma lē oo ai ma le malaga o le ‘afa o le fā ananafi e alu ese mai Ueligitone ma o lea na faatali i le vaa o le ‘afa o le valu anapo.
O le faai’uga o Iulai na faato’ā toe amata fealua’i ai le Aratere, ma o le faaleagaina o se vaega itiiti o le tino o le vaa ananafi ua toe tu ai nei ma le faamoemoe e toe amata fealua’i i le faai’uga o le vaiaso.
Puna o Faamatalaga: Aratere ferry damaged while docking in Wellington (1news.co.nz)
