Ua toe maua le avanoa o tagata Aukilani e faasoa ai manatu i le fuafuaga o le faia o le kolosi faaopoopo i luga o le Harbour Bridge.
O lea ua faailoa e le minisita o femalagaa’iga Michael Wood le survey fou e faia online e iloa ai manatu o tagata e mananao e avetaavale, savavali, faaaoga uila vili vae poo femalagaa’iga lautele e kolosia ai le auala laupapa.
O lea o loo tuufaatasia le talosaga e faatalosagaina ai le kolosi lona lua, ma o le ogatotonu o le tausaga fou o loo faamoemoe e iloa ai ma o le survey ua faia nei e pei ona ta’ua e le minisita, o le a iloa ai manatu faapea manaoga o tagata Aukilani.
O suiga faaopoopo i luga o le auala laupapa tele a Aukilani ua o se mataupu ua tele manatu faapolokiki ua faia ai, e pei ona le taunuu ai le $785 miliona auala mo uila vili vae ona o le toatele na leai mai ua taugata tele.
Ae mai isi pati, o le National o loo mananao e sili ai le fau o se tunnel, ae o le Greens o le faia o se auala e mafai ona savavali faapea feoaiga e faaaoga ai uila vilivae.
