O se iloiloga tele o Tulafono o faigapalota a NIu Sila ole a faalauiloa ele Malo o le a silasila ai I suiga o le tausaga e mafai ai ona palota, ae le gata I lea o le faatupeina o vaega faaupufai  ma le umi o le taimi o le faigamalo.

O le aso na folafola ai e le minisita o Faamasinoga Kris Faafoi lea tulaga ma faailoa ai o le a faatino e le malo iloiloga ia i ni vaega se tele o tulafono o faigapalota a le atunuu ao lei oo atu I le palota ole 2026.

O seisi tulaga o le a lotea ai e aofia ai tupe e foai mo vaega faaupufai ma le agavaa o Maoli mo le fesuiaiga i lola palota lautele a le atunuu ma le palota a Maoli e ao ona faatino lea tulaga ae lei faia le palota o le 2023.

Fai mai le minisita I le Stuff ua tele mea ua sui talu mai le vaitausaga o le 1950 mae o le tele o tulafono tau faigapalota e lei suia lava ae ole faavae autu o le tulafono ua 60 tausaga. O se fola tutoatasi e aofia ai ni sui mai vaega faaupufai, iunivesite, talavou ma faalapotopotoga Maoli ma le sosaiete tau le tulafono o le a filiina mai latou te faafoeina lea iloiloga.

Ua amata faagasolo campaign a le Green Party e tuuitiitia mai ai le tausaga e mafai ai ona palota I le 16 ao le Act ua faailoa e mananao ia tai fa tausaga o nofoaga faapalemene.