O le a toe iloilo e leoleo aiaiga o loo tuliloa ai o ave taavale sosola.
Na saunoa le komesina o leoleo Andrew Coster i le taeao nei, ua mae’a ona talanoa ma le aufaigaluega faapea paaga ma ua iai nei le fuafuaga e toe iloilo i le tausaga fou.
Ua molimauina e leoleo le faaopoopo o taavale e le tutū ma oo ai ina tuliloa.
O le toe iloiloina o lenei mataupu o le a toe faatulaga ai le auivi o loo faamatala ai poo a taimi e tatau ai ona tuliloa e le taavale a leoleo ae poo le a foi le fetuunaiga e fua i le saogalemu o le aufaigaluega aemaise pe a lē tuliloaina.
E talitonu le komesina e le o se mataupu e faigofie ona maua se tali, peitai o le taumafai lava ia sili atu se isi toe iloiloga ina ia faapaleni uma itu.
