O le aso lea e toe taunuu mai ai i fanua le palemia o Ausetalia Anthony Albanese ma le Kovana Sili o le atunuu David Hurley ao lumanai ai le faamanatuina o le aso malolo i le aso a taeao i le atunuu atoa o AUsetalia faailoa ai le faaaloalo i le tupu tamaitai o peretania , Kuini Elisapeta ua tuumalo.
se sauniga aloaia faale atunuu o le a faia i le fale o le palemene i Canberra i le aso a taeao ma o le a faasalalauina tuusao foi.
O le one off public holiday lenei o le a le faataunuuina ai foi taualumaga a le palemene lea e manatu nisi o faipule o le a matuai afaina ai mataupu taua o loo faatalia lona faatalanoaina. E manatu le faipule tutoatasi ma o se alii foi lauiloa ile lakapi, David Pocock e tatau i le faigamalo ona faaopoopo seisi aso faapitoa mo ana taualumaga ile vaiaso fou.
