O le masina o Aperila o le tausaga fou 2023 ua faamautu mai e le ofisa o le Malo o Amerika i Apia, o le a toe faaauau ai lana polokalame fesoasoani o le aumaia o alii ma tamaitai pisikoa e galulue fua i auaunaga eseese i Samoa aemaise lava i le atiina a’e o aoaoga.
Ua faailoa e le Faatonu o lea polokalame ia Gini Wilderson o le vaega fou o pisikoa mo le tausaga fou o le a taulai a latou galuega i le aoaoina o fanau i aoga i le faitau ma le tautala i le gagana Peretania.
Ua faailoa foi e le Faatonu o Pisikoa ua leva ona toe fia foi mai pisikoa talu ona toe faafoi uma i Amerika i le tausaga e 2020 ona o le faamai. E toasefulufitu le aufaigaluega o lea polokalame i Samoa ma ua aofia ai ma nisi o pisikoa sa galulue fesoasoani i le taimi o tuiga o le Koviti-19 mo fanau mai le 5 i le 11 tausaga le matutua.
O le Matagaluega o Aoga Taaloga ma Aganuu o loo galulue faatasi ma le polokalame o pisikoa Amerika mo le unaia o aoaoga o le gagana Peretania mo fanau a le atunuu.
