Atonu o se faamalosiau tele mo le ‘au a le Wallabies le toe foi ane o le latou kapeteni, Michael Hooper i le uluai taaloga o le latou malaga taamilo lea e fetaui ai ma Sikotilani i le Aso Sa nei.
O Hooper na ia misia le taamilosaga atoa o le Rugby Championships ona o le faatāua o le soifua maloloina ma le mafaufau foi lea sa faakapeteni ai James Slipper e suitulaga ia te ia.
O alii taaalo o Pete Samu ma Fraser McReight lea sa suitulaga a o toesea Hooper.
O se taimi o le asō sa faalauiloa mai ai le latou ‘au mo le taaloga lea i le Aso Sa nei.
Fai mai Hooper o le taimi nei ua taulai lana vaai i le taalo lelei ma lagolago tama taalo o lana ‘au.
