O loo toe fia sau Posie Parker i Niu Sila, ma e foliga mai o le masina o Setema lea e manao e taunuu mai ai.
O Posie Parker, o le tina Peretania e lauiloa ai i ana tautalaga o loo ia teena ai faafāfine ma o lea foi na oo mai i Niu Sila i le masina o Mati mo lana malaga taamilo o le Let Women Speak, peitai e lei mafai ona faataunuuina.
O le masina o Setema e tulai ai Eli Rubashkyn i luma o le faamasinoga faaitumalo i Aukilani i moliaga o le faaoolima ia Posie Parker, ma o le faamasinoga lea o loo fia sau ai Parker.
O lea ua tusi mai Parker i le Palemia o Niu Sila, Chris Hipkins ma i lea tusi o loo fai mai ai e toe sau ia Setema ae ia faamautinoa atu e saogalemu lona toe malaga mai.
Mai le Immigration a Niu Sila o lea ua talia le malaga mai o Posie Parker ae o le faaiuga e talia ai le ulufale mai e faia lea e le Boarder Officer ma o le fesili lea mo le matagaluega o faamasinoga.
