Ua toe tapena le vaega o le soifua mālōlōina lautele i le matagaluega o le soifua mālōlōina e faasavali le galuega o le faia o tuipuipui o fanau, ona ua pa’ū foi i lalo le numera o fanau ua mae’a fai o latou tuipuipui o faama’i o le misela, rupela ma le mami.

O le polokalame a le matagaluega i ana auala o fesoota’iga televavave na faailoa ai e le alii foma’i le afioga Tagaloa Dr Robert Thomsen le telē o se avanoa e toe afea ai Samoa e le faama’i o le misela ona o le tulaga ua aliali mai i le maualalo o le numera o fanauiti e tatau ona ave e fai o latou tuipuipui.

O le finagalo foi lea o le alii foma’i na ia faailoa ai le itiiti o se avanoa e oo mai ai i Samoa le isi o faama’i o loo aafia ai nisi i atunuu Aferika le monkey pox. 

Le alii foma’i le afioga Tagaloa Dr Robert Thomsen.