Ua agai Niu Sila e saga faamalosia ma teuteu lana maliega saoloto o fefaatauaiga ma Ausetalia.

O le maliega lenei o loo i lalo o le Association of South East Asian Nations lea e fau e atunuu e 10.

O le talitonuga o le Palemia o Niu Sila Jacinda Ardern, o le toe teuteu ma saga faamalosia o le maliega ua silia ma le 10 tausaga talu ona iai, o le a saga uunaia ai inivesi, fefaataua’iga ma le fegasoloa’iga o oloa atoa ai ma puipuiga a le vaega o tiute i itu tau puipuiga.

O le a faamalosia ai foi ma tulafono e malupuipuia ai paaga faatau aemaise o le a aveesea o pa pupuni o loo taofiofia ai faamatalaga tau pisinisi.

I faamaumauga ua tele atu ona fefaataua’i Niu Sila ma atunuu nei e i lalo o le asosi lenei i totonu o le vaiaso faatusa i le 1970, ma i totonu o le 2021 e silia ma le $7 piliona oloa ma auaunaga a Niu Sila na faatauina atu iai.

O le tausaga fou o loo faamoemoe e sainia ai le teuteuga fou ua talanoaina nei.