Na toe faalogoina foi fale e tafana mai le taavale i le faaiuga o le vaiaso i Aukilani.

O le fale i Jolson Road i Mt Wellington lea na faamaonia mai ai e leoleo na tafana mai le auala ma i molimau a nisi o tuaoi pe tusa o le 11 i le po o le Aso Toonai lea na faalogoina ai le pāpā o laau malosi.

Ua lipotia e le leitio a Niu Sila na sosoo pulufana pe tusa e faaono ona pa, ma e leai se va.

O faamatalaga a tuaoi, na uma loa ona tafana toe faaola le taavale ma alu ese.

E le o mafai ona faamautinoa mai e leoleo pe ono iai se fesootaiga ma faiga a kegi, ae pau o lea e iai le fale autu o le Black Power i le auala lava lea.

E iai fanau a le aiga e nonofo i le fale na tafana, ma e faafetaia e leai se isi na faamanualia ai e tusa ma lipoti a leoleo.