O le a toe aveese uma e le Auckland Transport faasalaga poo infringement notices sa tuuina i taavale i le taimi o lologa i Aukilani.
O le asō ua faailoa ai i tala mai le stuff.co.nz ua faitioina le Auckland Transport ona o le tuuina atu o tickets poo faasalaga i taavale i Browns Bay ae faatoa mae’a ona aafia ia faaitu i lologa.
O le taimi o loo tau faamamā ai fale ma fanua o tagata mai aafiaga o lologa ae o le taimi lea o loo agai atu ai le au tusipaka a le Auckland Transport e tatusi solo faasalaga i taavale e 22 i Browns Bay.
O faatalanoaga ma nisi e aumau i faaitu ia na faailoa ai lo latou lē fiafia tele i le tulaga na iai ona e fai o le mafatia mai i aafiaga o lologa ae toe fafa atu ai i luga ma le sala mai le Auckland Transport ae sa tatau ona silafia le feseetai solo o taavale ona o aafiaga o lologa ma o le asō la ua tuuina mai ai se faaaliga mai le ofisa o felauaiga a Aukilani ua faaleaogaina ia faasalaga sa faamatuu ae i le va o le 2 i le aoauli o le Aso Faraile ma le 9 i le taeao analeila.
Fai mai se tasi toeaina matua i talafou o ia e ofo o loo iai fautuaga sa faamatuu mai a leoleo e faamalosia ai le nonofo i fale sei vagana ni mafuaaga talafeagai ae o lea e pisi ai ma le au tusipaka e tatusi faasalaga i tagata o loo mafatia mai mea na faaleagaina i lologa na semanu e ma’umau ai soifua.
