Na toe faafoi mai i Sini se tasi o faigamalaga a le Qantas i le taeao analeila ona o se tulaga e ono matautia ni ona aafiaga sa tulai mai ai.
O le 7News ua ta’ua ai o le vaalele a le Qantas na faamalosia ona toe faafoi mai i Sini a o aga atu mo Aukilani, ina ua aafia ai se manulele.
Pe ā ma le 30 minute talu ona alu le faigamalaga ae tupu loa le faaletonu ma toe liliu mai ai i Sini.
E leai se tasi na faamanu’alia ae o loo galulue nei le vaega o inisinia e asiasia le vaalele.
E lē o ta’ua i le lipoti pe toafia se pasese a le vaalele ae o le faamatalaga a se sooupu o le Qantas ua ta’ua ai o le a toe faatulaga se isi faigamalaga i se taimi lava o le asō ma ua faatoese foi i le tulaga e pei ona lipotia.
Puna o Faamatalaga: https://7news.com.au/news/qantas-incident-bird-strike-forces-auckland-bound-plane-back-to-sydney-airport-c-14940831
