O le fa’atūina ai o le Matagaluega fou mo mataupu tau i aiga ma agafesootai, e laugatasia ona tiute fai ma isi Matagaluega a le Malo i le iai o lona Ofisa Sili o le pulega ma ofisa Sili lagolago e fa’auluulu iai auaunaga ‘ese’ese o loo fitoitonu ma lea auaunaga a le malo.

Ua fa’ailoa ai e le pulega o lea Matagaluega le filifilia o nisi o ofisa sinia i tofiga o Ofisa Sili Lagolago, e aofia ai Ana Le’au mo le vaega o le Women, Men and Social Inclusion, Aufa’i Alan Aiolupotea mo le vaega o le Sector Coordination and Community Engagement, ma Felila Maleifua i le vaega o le Research, Policy and Planning.

Ua faailoa e le Matagaluega i lana upega tafāilagi le fa’afeiloai e le Minisita o loo iai le va’aia o lana auaunaga le afioga Moefauouo Julius Ah Kui Tafunai, o le filifilia o ia tama’ita’i e to’alua ma se ali’i e to’atasi i ia tulaga tofi sinia ma le faanaunauta’iga o le a fausia ai se ta’ita’iga malosi mo le Matagaluega auā lana tautua i le atunu’u ma le malo.