O se tasi o faigamalaga a le Ea Niu Sila mo Chicago na faamalosia ona tapēina le afi ina ua lipotia le liki o le suauu, fai mai le lipoti o se tulaga e le masani ona tupu.
O le faigamalaga NZ26 pe ā ma le itula talu ona i le ea ae iloa loa le faaletonu.
Na toe faafoi saogalemu ane ai le faigamalaga i Aukilani ma mulimulitaia e pailate gaioiga e faatino i tulaga faapea.
Na faatino suesuega a inisinia ina ua toe tuvae le vaa i Aukilani ma faamaonia ai se liki i le afi o le vaalele.
Ua mae’a ona faia iai galuega ma toe suia le afi ma ua toe amata foi ana faigamalaga.
O le itu e faafetai ai le toatele ona ua mafai ona alofia le tulai mai o se faaletonu tele e ono aafia ai soifua.
