O le Aso Lulu 28 o Iulai lea na faamaonia mai ai e le toe ave i tua o le tagi o faigapalota a le sui tauva o le HRPP mo Gagaemauga No.1 le afioga Laufou Alofipo Faamanu Manase faia faasaga i le Sui Palemia le afioga ia Tuala Tevaga Ponifasio.
O lenei mataupu lea na faateia le toatele i le 2 vaiaso na talu ai ina ua toe sui le finagalo o Laufou Alofipo Faamanu Manase ina ia faaauau le mataupu i luma o le faamasinoga maualuga.
O le amataga o le masina o Iulai na mua’i faailoa ai e Laufou le ave i tua o le tagi a faasaga ia Tuala, na ave ai foi i tua le tagi a Tuala na faia faasaga ia Laufou. Peitai o lea na toe talosaga Laufou e toe faaauau le mataupu ma sui ai ma lana loia.
O lea la ua faamaonia mai le toe ave ai foi i tua o le tagi a lea sui tauva ma faatumauina ai pea le tofi faipule o le alii Sui Palemia mo Gagaemauga No.1
