O se aoga faalelotu I Brisbane ua toe aveese sa latou konekarate mo le lesitalaina o tamaiti aoga ina ua tali ane nisi o matua o tamaiti ma le komiuniti lautele e tusa o nisi o aiaiga o le konekarate. Lipotia e le ABC ile vaiaso nei o le konekarate lea o loo manaomia ai aiga ina ia faamautinoa ane e le fiafia I faiga e faatatau i itupa tutusa homosexuality aemaise ia faatulaga atu le ituaiga o le tamaititi e pei ona fanau mai ai afai e leai e ono aveese ma le aoga.
O le Citipointe Chrisitian College o loo tulai mai ai le mataupu lenei ma ua taua e le pule aoga o Brian Mulheran ile lipoti lea sa tusi I matua e faailoa iai le konekarate lea ma ua iloa ua tulai mai ai se tulaga le lelei ma ua aveesea ile taimi nei.
O matua o tamaiti o le aoga lea na ave a latou faasea ile Komisi o Aia tatau I Kuiniselani ma ua faailoa I lea lava lipoti ua faailoa foi le faitioina e le loia sili ma le minisita o aoga o le konekarate a lea aoga. Ise faamatalaga mai le pule aoga ua taua ai ua leva ona iai o latou talitonuga I tulaga ia e pei ona taua ile konekarate ma sa taumafai foi ia fair mot agata uma o le komiuniti ole ala lea sa tuuina ai ia faamatalaga ile konekarate.
