Ua toe aumai i luga e leoleo le faatalosaga mo le tamā ua tausaga e lei maua lava.
O Atonio Finau, 65 tausaga o New Lynn i Aukilani ua atoa i le asō le tausaga talu ona mulimuli vaaia i le fale faatalipasi i le itu i Sisifo o Aukilani.
I ata a le CCTV o loo maua ai o le latalata i le 3 i le afiafi lea na iai i New Lynn.
Mai lea taimi na amata sue ma faasalalau ai e leoleo aua le fesoasoani atu a le komiuniti, peitai e lei manuia ma o ananafi na toe sau ai le isi valaau.
O Finau sa nofo i Otahuhu ma e ui e le o iai ni masalosaloga i lona le iloa, e le o faigofie ona o le tele o masalosaloga e ono alu i se isi nofoaga ae e le o iloa.
Ua toe valaau mai ai leoleo i soo se tasi o silafia nisi faamatalaga e faatatau ia Finau e fesootai atu ona o loo moomia foi e le aiga o lea tamā se tali.
