Ua toe tatala uma auaunaga a pisinisi tuma’oti i le ogatotonu o lenei vaiaso muamua o le tausaga fou i lo tatou atunuu, ma ua toe foi ai le tautua a le tele o pisinisi ma auaunaga tuma’oti i tulaga masani.

Peitai o loo faaauau pea ona ave aso malolo faalemalo o le toatele o tagata faigaluega a matagaluega ma faalapotopotoga a le Malo.

Ua na o auaunaga masani e pei o le soifua maloloina, le matagaluega o leoleo, le fuimu ma galuega laveai i taimi o faalavelave faafuasei, o loo galulue pea, ae o le Aso Gafua asau e faatoa toe a’e uma ai galuega a le Malo ma faaauau ai auaunaga ma tautua eseese i tulaga masani.