E iai nisi vaega o Hawke’s Bay o lea ua lipotia mai le toe amata ai ona piki le apu.
O lea ua toe maua le eletise i le lata ai i le tasi le vaiaso talu ona motusia, ma e lei toe faatali ai le aufaigaluega a le Turners & Growers i Hawke’s Bay.
E le o faatoaga apu uma i Hawke’s Bay ua o ma Gabrielle, ma i molimau a le Turners & Growers e ui e tele ua faaleagaina uma e le afā ae o lea lava foi e tele apu o loo mafai ona tau.
I faatoaga ua toe amata i Hawke’s Bay, o se vaiaso ma’umau e le gata o le tauina o le apu ae faapea ai le tele o le kiliva ma galuega faapusa na taofia uma.
