I le toe foi ai o le fanau i aoga i le asō ua fautuaina ai foi i le faatuai i femalagaa’iga a pasi ona o le tele o faigamalaga ua faaleaogaina aemaise i le agai i le city.
O lea lapataiga ua faia mai i le toe foi ai o le tusa ma le 1.2 miliona o tamaiti aoga i Niu Sa Uelese ae ua tuuaia e sui mai le ofisa o felauaiga le faaitiitia i le aofai o avepasi o loo agai atu e faigaluega ma o loo tau faasoa iai le aufaigaluega.
E tele faaitu o Niu Sa Uelese o loo aafia i fetuunaiga ia i le asō e manatu le toatele ai foi a toe amata le faafitauli o le fiu e saili ni auaunaga lautele mo femalagaa’iga e le gata i trains ae faapea foi ma pasi.
