O loo alu i luga cases o le Koviti, tagata maliliu, tagata toe maua i le faamai, atoa ai ma i latou taofia i falemai.
A faatusa atu le ripoti na sau ananafi o le 9,100 cases fou o le Koviti ripotia i totonu o Niu Sila i le vaiaso talu ai agai i le ripoti na sau i le Aso Gafua o le vaiaso ua alu, o lea o loo alu i luga faatusatusa i le 8220 na ripotia.
O tagata maliliu ripotia i totonu o le vaiaso ua alu ma o lea na ripotia mai ananafi e 40, ma o se siitaga mai le 24 na taua mai i le Aso Gafua talu ai.
O le 25 o tagata maliliu o le itupa o alii ma o le toatele o tagata matutua i le va o le 70 i le 90 tausaga.
E toatasi le tamaitiiti i lalo mai o le 10 tausaga ua maumau ai lona ola.
Tagata na maua muamua ao lea ua toe maua foi i le Koviti e 3813 na taua mai ananafi, faaatusa i le 3,429 o le vaiaso ua alu.
E oo mai i le po o le Aso Sa faatoa uma atu e 200 tagata taofia i falemai ua maua i le Koviti e aofia ai le toatolu o loo i le ICU.
