O loo iai pea i se tulaga tigaina tagata e toalua na aafia i le faalavelave tau taavale i Kuiniselani i le aso ananafi lea ua maliliu ai tagata e toatolu i le faalavelave e aofia ai se pasi ma se caravan i le highway.

O le faamatalaga mai leoleo e faapea e 33 tagata sa i luga ole pasi lea na feto’ai ma le 4WD na toso atu ai se caravan i luga o Bruce Highway i Saute o Townsville.

O ata mai lea faalavelave ua tau ataata mai ai foliga o le taimi na tupu ai le faalavelave.

Ua faamaonia e leoleo e toatolu ua maliliu, o tamaitai uma ia atoa ma le toalua o loo tigaina, o alii 23 ma le 24 tausaga le matutua.

Ua ta’ua o le avepasi ma isi pasese e toalua e lē o aafia i ni manu’aga tigaina.

Puna o Faamatalaga: https://www.9news.com.au/national/emergency-services-rush-to-bruce-highway-crash-queensland-gumlu-north-of-bowen/33008e8d-9fba-4159-a86b-5048318cd9ef