Uma atu le long weekend o le Labour, ma e toatolu tagata maliliu i luga o auala, ese ai le isi toatolu lea na maliliu i le Aso Faraile, ae e lei amata faitauina le piriota.
Mai le afiafi o le Aso Faraile seia oo mai i le taeao ananafi, o le tagata maliu mulimuli lava ona o faalavelave tau taavale o lē na alu i lana uila vilivae i Dunedin i le po o le Aso Toonai lea na tupu ai.
O isi tagata e toalua na maliliu i le aso lava lea e tasi, e aofia ai le tamaitai na so’a e le taavale a o ia kolosia le auala i Northland.
E ese mai tagata maliliu, o loo iai nei lava i falemai nisi na faamanu’alia tigaina mai faalavelave nei.
O le Labour long weekend o le tausaga lenei e toatolu tagata maliliu, o le 2022 e toalima, toaono i le 2021, ma le toavalu i le 2020.
