E lē o mālōlō lava le auaunaga o le tineimu ma faalavelave tutupu faafuase’i i le tali atu i faalavelave i fale e faatama’ia i malaia poo le mu; e pei foi ona lipotia mai le aafia ai o se fale fogāfalelua i Murvale Drive i Bucklands Beach.
I lipoti mai le Eastern Times na faamauina ai, poo le ‘afa tonu o le itula e 2 o le vaveao o le Aso Tofi, na alia’e ai lenei faalavelave; ma na māua le faanatinati atu ai o le vaega o le tineimu ma leoleo e tali atu i le matāupu.
E to’atolu tagata na aafia i le faalavelave ma na avatu e le vaega o fesoasoani muamua i le falema’i.
Faamanino e le sui o le ofisa o leoleo, le ali’i ta’ita’i leoleo asiasi, o se leoleo su’esu’e faapitoa – Detective Inspector a le Counties Manukau- o lea ua amata faatino su’esu’ega a leoleo i le matāupu e sa’ili le māfua’aga o le mu ma sa’ili vave tagata e to’alua o loo su’e nei.
E faamauina e tugā manu’aga a isi o i latou na aafia i le mu, ae o loo māua foi e manu’a mitimiti se isi o i latou.
O loo tapunia pea lea faaitu mai Janome Place ma Jandell Crescent, ma o loo iai pea leoleo e mata’itūina le nofoaga.
Māua e oo mai lava i le taeao o le Aso Tofi, o loo vaaia pea le iai o ni taavale tineimu, o tagata su’esu’e o mū ma leoleo i le fale e iloilo le nofoaga.
Puna o Faamatalaga: https://www.times.co.nz/news/street-closed-following-house-fire/
