Ua faamaonia mai e le Matagaluega o Soifua Maloloina le pesia ai o i latou fou e toatolu (3) i totonu o le atunuu i le siama o le Koviti-19. O lea lipoti sa faamauina mai le Aso Sa, 9 Oketopa 2022 seia oo mai i le Aso Sa, 16 Oketopa 2022.

Ua siitia ai nei le aofai o e ua aafia i le faamai i totonu o Samoa i le 15,946. I lea aofaiga, e 15,766 o le mamalu lautele o le atunuu sa pesia (community transmission) ma le isi toa 180 o e na malaga mai atunuu i fafo talu mai le masina o Novema o le tausaga e 2020.

Ua faamautu ia fuainumera i le lipoti ua mae’a tuufaatasia e le Matagaluega o Soifua Maloloina, ma o loo auiliili ai faamaumauga o le faamai, mai lava i le aso 17 o Mati 2022 ina ua faamaonia le mama ai i tua o le siama.

Ua faamauina ai foi ma faamaumauga o tuipuipui ua mae’a faatinoina mo le mamalu lautele o Samoa.