E toatolu alii ua lipotia o loo tau saiila e leoleo ina ua o latou tafanaina se fale i Western Sydney i le vaveao analeila.

Fai mai e toalua isi alii semanu e aafia i le faalavelve lea ina ua tafanaina le fale i Bidwill poo le ta o le 2 i le vaveao ma sa tafanaina foi se taavale sa paka i le driveway o lea fale.

O alii e toalua sa i totonu o le fale lea e 22 ma le 30 tausaga le matutua e lei aafia ae o alii e toatolu sa fai matapulepule o loo lipotia na vaaia i se nofoaga lata ane faapea ma le taavale lanu uliuli o le ituaiga o le Holden Commodore na vaaia o agai ese mai le vaega lea ina ua mae’a ona tafana ane le fale. 

O loo faagasolo le suesuega a leoleo i le taimi nei ma talosagaina nisi e silafia ni faamatalaga i le mataupu ina ia logo ane i latou ma fesoasoani ai i suesuega o loo faagasolo.