E toatolu alii ua molia nei i le mae’a o le feta’ua’ina mai o se tulaga ua ave faamalosia ai se isi foi alii mai le faaitu o Sini i le itu i Sisifo i le po o le Aso Sa.
O se alii e 31 tausaga o loo taofia nei i le falemai ona o manuaga i ona tino ina ua maua atu i se fale i Cranebrook i le tea o le 11 i le po o le Aso Sa.
Fai mai lipoti sa taofia ai i totonu o le fale lea ma faaoolima iai nisi a o lei taunuu atu leoleo.
Fai mai sa taumafai nisi alii e toatolu e sosola ese ina ua taunuu atu leoleo peitai na pueina ma o i latou ia e 36, 46 ma le 59 tausaga le matutua.
Ua teena le tatala i tua ma na faatulaga e tutulai i le faamasinoga i le aso ananafi.
