Ua tuua le galuega $100,000 ma ona tupu le totogi ae sau e kiligi i le faleaiga a le McDonald’s.
O le faaiuga lea a se tasi o tama Ausetalia, ma o ia o le toatasi o le toatele o tagata Ausetalia ua o i le The Great Resignation.
O le igoa lea ua faaigoa ai e le suesuega a le Allianz Australia lea na fesiligia ma maua ai o totonu o le 6 i le 12 masina ua vaavaai ai le 2 miliona o tagata e faamavae mai galuega.
O ni faaiuga ua mafua i le mamafa o le mafaufau poo le stress i galuega.
O le tama e le o faailoa lona suafa e faapea ua 23 tausaga o galue i le vaega o tupe, ma o lana molimau e moni e tele tupe, ae e lei iai sona fiafia.
I lana galuega fou ua kiligi ai nei i le faleaiga a le McDonalds, o loo fiafia ai ona o loo maua le taimi e mafuta ai ma lana fanau.
I ripoti a le Herald, e le toatasi se tagata Ausetalia na mautotogi lelei ua faamaamulu ona o le mafuaaga lava e tasi.
