O le alualu pea I luga o le tau o fale mautotogi ua avea ma mafuaaga ua o ese ai le toatele ae agai e talosaga le fesoasoani a le malo tauala mai I le Emergency Housing
I faamaumauga latalata I le 4000 fesoasoani le toe totogia ua taua o le Emergency Housing Special Needs Grant na tuuina atu ia Setema o le 2018, lua tausaga mulimuli ane ua latalata I le 10,000
I le va o le masina o Mati ma Setema o le tausaga talu ai, e 3000 talosaga na totogiina atu e le matagaluega o le social development ona o aafiaga o le Koviti
Molimau ai Jo Denvir o le pule sili o le Lifewise I Aukilani I tala a le leitio a Niu Sila, o loo faatupulaia pea talosaga mo fesoasoani tau fale mai le malo, ma ua tele ina faatumulia motels o loo totogi e lenei fesoasoani e auina atu ai I latou ua leai ni fale
Taua mai foi I Hutt Valley ua oo atu I le 800 tagata o loo I le lisi faatalitali mo fale a le housing, ma o le mafuaaga lea o le toatele ua tua I le fesoasoani lenei ua taua o le emergency housing Ae mai le matagaluega o le social development tauala mai se tasi o le pulega, Karen Hocking, o loo galulue le malo e fausia nisi fale, ae tali le Lifewise, ua oo I le taimi ua tatau I le malo ona faatupe faalapotopotoga o le komiuniti e fesoasoani mo le fausia o nisi fale faaopoopo
