O le aofai o tagata o loo maua penefiti ua faaigoaina o le jobseeker work ready ua faaitiitia ane i le 100 afe mo le uluai taimi talu mai Aperila o le 2020 e fua i faamaumauga mai le malo.
O faamaumauga faamauina mo le masina o Setema o le tausaga nei ua iloa ai e 98,934 tagata o loo maua le ituaiga penefii lea e faatusa i le 112,056 o tagata na iai i le penefiti lea i le taimi faapenei i le tausaga talu ai. Lona uiga e silia ma le 13 afe le eseesega.
Saunoa ai le minisita o le matagaluega o le Social Development and Employment, Carmel Sepuloni, o fuainumera ia ua atagia ai taumafaiga ua faatulaga e le malo i le agai ese mai o tagata mai le penefiti ma le tuuina o le lagolago a le malo i le agai atu o ia tagata i galuega, aoga ma polokalame faaleaoaoga e fesoasoani ai i le aga atu i le lumanai.
O ia foi faamaumauga mai le malo ua faailoa ai e silia ma le 21 afe tagata ua agai atu i galuega.
