O le oo mai o le malulu e le taumate o le a atili faateteleina ai le manaomia o le eletise i aiga ae o le a faaopoopo ai foi ma le totogi o pili o le eletise ma faaosofia ai nisi aiga e saili fesoasoani mo taimi faigata o le soifuaga hardship support.
O faamaumauga ua faailoa e le kamupani eletise a le Origin ua iloa ai e 70 afe ana paaga o loo manaomia le fesoasoani i le taimi nei mo le totogiina o a latou pili moli.
O le aso muamua o le masina fou o Iulai e faamamalu ai foi le isi siitaga o le tau o le eletise mo le isi tusa ma le 600 afe o tagata e iai accounts eletise.
O loo iai ituaiga peimeni fesoasoani mo le totogiina o pili moli mo i latou e itiiti tupe maua faapea i latou o loo maua penisiona ma tausi soifua ae e na o le faatasi lava le taimi e maua ai lea faamāmā avega.
