A itiiti mai e toa 59 tagata ua maliliu ma le 155 o i latou ua manunua i se afi na sasao ane i se falekalapu i le itu i matu o Maketonia, north Macedonia.
Faitau selau tagata na potopoto i le Pulse nightclub i le taulaga o Kochani mo le faafiafiaga a le DNK ae sasao ane ai se afi i le taeao ananafi ma ua faailoa o loo aofia ai ma nisi o le au faafiafia ua maumau soifua. O e ua maliliu e mai le 16-24 tausaga le matutua ma ua faailoa o le toatele ua maliliu na mafua ona ua solia i le taimi na vevesi ma tamomo’e ai le toatele i fafo ina ua iloa le sasao a le afi.
Ta’ua e le CNN o le afi na mafua mai i Purotechnics sa faaaoga mo le faia o moli mo le koneseti ma aafia ai ma le taualuga o le fale. O loo faaauau nei suesuega i lenei faalavelave.
Puna o Faamatalaga: https://edition.cnn.com/2025/03/16/europe/north-macedonia-night-club-fire-intl/index.html
