E faitau selau e asia le ana i Cathedral Cove talu ona toe tatala le auala savali.
Talu mai le afā o Gabrielle ma mauga solo i le va o le 2022 ma le 2023 na tapunia ai le auala savali i le ana lauiloa lenei, o le faai’uga o le tausaga talu ai faato’ā toe tatala ai le auala savali.
Ua lipoti mai le matagaluega o faasao i Waikato, o lea ua toe foi lava le to’atele o tagata asiasi i taimi a o le’i sau le Koviti ma o aso o le Boxing Day ma le Tausaga Fou lea na oo ai i le maualuga i le 800 tagata matamata i totonu o le aso e tasi.
O le toe tatala ai mo maimoaga ma asiasiga ua sau ai foi ma nisi o auala mo le saogalemu o tagata lautele, ae lē galo ai le faamanatu i soo se tasi e asia, ia tautuana le mamā o le matāfaga ia faatumau.
Puna o Faamatalaga: Cathedral Cove records hundreds of visitors since walking track reopened
