Ua malosi le pepesi o le fulū i lenei tausaga, ma mai fomai e ono faaumiumi ai pea aga’i atu i le spring.
Ua lipotia o lea lava e maualuga le fuainumera o tagata Aukilani e taofia i le falema’i ona o le aafia o le mānava, ma o faamaumauga o le tausaga lenei ua maualuga atu na i lo o le lua tausaga talu ai faapea ai ma le va o le 2015 i le 2019.
O le faai’uga o le masina o Iulai lea na faamauina ai e 125 tagata na taofia i le falema’i i totonu o le tasi le vaiaso e mafua i le aafia o le mānava, ma ua toe sau ai le talosaga e aga’i e fai tui o le fulū ma nofo i le fale pe a lē malosi.
Sau ai faamaumauga a Aukilani i le ogatotonu o Aokuso o lea ua pa’ū mai i le selau.
E ese mai falema’i tetele i Aukilani, o le molimau mai i foma’i faaleaiga o le toatele lava o gasegase o loo sulu atu o le influenza A, poo le ituaiga fulū lenei na maliliu ai tagata e toaono i le nofoaga o loo nonofo ai tagata matutua i Whitianga.
A o faai’ui’u ai la le tau mālūlū o lenei tausaga, e fua i le toatele o tagata o loo maua i le fulū i le taimi nei, i le vaai a foma’i e ono faaauau atu ai i taimi o le spring.
Puna o Faamatalaga: Hospitals, GP clinics still busy with flu: Why has it hit NZ so hard this year? – NZ Herald
