E lata i le 400,000 tagata o loo maua mai i faamaumauga o lea lava e maua penefiti.

O faamaumauga nei na faalauiloa mai e le matagaluega a le Social Development mo le masina o Setema, ma o loo iai nei e 12% lea na alu ai i luga le aofa’i o tagata e lē o ni tagata matutua e tala penefiti, e tusa lea ma le 391,224 tagata.

I tagata o loo mauaina Jobseeker support e tusa ma le 204,765.

Ua fai mai ai tagata su’esu’e faapitoa tau i le tamaoaiga, e lē o se mea lelei le alu pea i luga o le to’atele o tagata e tala penefiti.

I le aotelega o lenei lipoti o loo fai mai ai e silia ma le 6% o tagata Niu Sila o loo tala penefiti, ma a faatusa lea i le silia ma le 6% o tagata e leai ni galuega i le faai’uga o le 2009, e lē lelei.